ACTIVIDADES CLUB DE CIENCIA ATIOS
2025-2026
1.- CONSTRUCCIÓN DE PILA DANIELL E EXPLICACIÓN DA MESMA A
DIFERENTES GRUPOS
Preparación
dunha Pila Daniell cun grupo de alumnado de referencia. Explicación da mesma a
partir de conceptos simplificados, tendo en conta que o tema RedOx forma parte
do currículo de Segundo Curso de Bacharelato.
Exposición
do funcionamento da pila a diferentes grupos de distintos niveis e etapas.
INFANTIL.-
Preparación co alumnado de referencia da escena “A maxia da electricidade”.
Pases nos cursos de 3, 4 e 5 anos.
Calendario de
sesións: Tres
sesións co alumnado de 3, 4 e 5 anos respectivamente o día 4 de decembro.
PRIMARIA.-
Preparación co alumnado de referencia da sesión “Facendo correr electróns polos
fíos...”. Pases en todos os niveis da etapa.
Calendario de
sesións: 1º A
19 NOVEMBRO, 1º B 19 NOVEMBRO, 2º A 19 NOVEMBRO, 3º A 13 NOVEMBRO, 3º B
13 NOVEMBRO, 4º A 13 NOVEMBRO, 5º A 20 NOVEMBRO, 5º B 20 NOVEMBRO, 6º A
20 NOVEMBRO, 6º B 26 NOVEMBRO, 6º C 26 NOVEMBRO.
SECUNDARIA.-
Preparación co alumnado de referencia da sesión “Explicando como funciona unha
pila. Facémola?”. Posto no patio. Tamén se desenvolveu unha sesión específica
co alumnado de 3º curso PDC, e sesións demostrativas en diferentes aulas.
2.- PREPARACIÓN DA REACCIÓN
“CAMALEÓN” E EXPLICACIÓN DA MESMA A DIFERENTES GRUPOS
Preparación dunha reacción de permanganato potásico e
glicosa, en medio básico, cun grupo de alumnado de referencia, observando os
diferentes cambios na cor a partir da redución do permanganato Explicación da
mesma a partir de conceptos simplificados, tendo en conta que o tema RedOx
forma parte do currículo de Segundo Curso de Bacharelato.
Exposición
do funcionamento da reacción “camaleón” a diferentes grupos de distintos niveis
e etapas.
INFANTIL.-
Preparación co alumnado de referencia da escena “A maxia da cor”. Pases nos
cursos de 3, 4 e 5 anos.
Calendario de
sesións: Tres
sesións co alumnado de 3, 4 e 5 anos respectivamente o día 4 de decembro.
(Sesións conxuntas para as actividades 1 e 2)
PRIMARIA.-
Preparación co alumnado de referencia da sesión “Auga que cambia de cor...”.
Pases en todos os niveis da etapa.
Calendario de
sesións: 1º A, 1º B e 2º A 19 NOVEMBRO, 3º A ,3º B e 4º A 13 NOVEMBRO, 5º A ,5º B, 6º A 20 NOVEMBRO, 6º B e
6º C 26 NOVEMBRO. (Sesións conxuntas para as actividades 1 e 2)
SECUNDARIA.- Preparación co
alumnado de referencia da sesión “As diferentes cores do manganeso nos seus
distintos estados de oxidación”. Posto no patio.
3.- CONEXIÓN Á CONFERENCIA “ENTRE
FOTÓNS E ALGORITMOS: EXPLORANDO A CUÁNTICA”
O día 27 de novembro tivo lugar no
IES Agra do Orzán, de A Coruña, a charla “Entre fotóns e algoritmos: explorando
a cuántica”. Nela contouse coa presenza de Mateo Blanco Rodríguez, Graduado en
Física, Graduado en Matemáticas e Master en Computación Cuántica, e de
Alejandro Mayorga Redondo, Enxeñeiro Informático e Profesor en Ciencia da
computación e intelixencia artificial na Universidade de A Coruña. A charla foi
organizada polo Club de Ciencia do IES Agra do Orzán, co apoio do Equipo de
Dinamización da Lingua Galega e do Plambe, e xurdíu a partir de experiencias e
actividades previas do Club de Lectura Científica do IES Agra do Orzán,
dinamizado polo profesor José Luis Quintela desde o ano académico 2021-2022.
O
Club de Ciencia Atios propuxo a conexión con tal actividade para o grupo de 4º
ESO A, modalidade científico-tecnolóxica do CPI Atios. A mesma tivo lugar, e o
alumnado de Atios tivo a oportunidade de seguir en remoto a sesión, así como de
facer as preguntas que considerou oportunas aos relatores do día.
4.- CONCURSO DE AVIÓNS DE PAPEL
O pasado 18 de decembro tivo
lugar unha actividade de voo con avións de papel no patio cuberto do CPI Atios.
Nela, os rapaces e rapazas interesados asistiron a unha breve explicación de
por que voan os avións, na que se falou de conceptos como “sustentación”,
“velocidade límite” e “perda”. Tamén tiveron ocasión de ver como se preparan
dous prototipos de avión de papel, a cargo de alumnado de referencia do Club de
Ciencia. Participaron estudantes dos diferentes niveis e grupos de Educación
Secundaria.
5.- FERIA CIENTÍFICA
No CPI de Atios desenvolveuse unha Feira Científica co obxectivo de achegar a ciencia ao alumnado dunha maneira práctica e motivadora. Ao longo da xornada realizáronse diversas actividades adaptadas ás distintas idades, como a Pila Daniell, a Reacción Camaleón, a Conferencia Fotóns e o Concurso de Avións de Papel, fomentando a curiosidade, o pensamento crítico e a experimentación.
Tamén participou o Club de Lectura Científica e o alumnado de Secundaria preparou experimentos para Infantil e Primaria, promovendo a aprendizaxe compartida entre etapas. A actividade converteuse nun espazo de aprendizaxe activa e interdisciplinar que favoreceu a creatividade, a comunicación científica e o interese pola investigación, reforzando a cultura científica do centro.
6.- CLUB DE LECTURA
O Club de Lectura Científica do CPI de Atios desenvolveuse ao longo do curso 2023-2024 coa participación de alumnado e profesorado interesados na divulgación científica. A actividade consistiu na lectura compartida da obra La clave secreta del universo, de Lucy e Stephen Hawking, combinando a lectura individual na casa con sesións semanais de posta en común e debate durante os recreos.
A través desta iniciativa fomentouse o interese pola ciencia, a lectura e o pensamento crítico, ao tempo que se promoveron o intercambio de ideas, a curiosidade e a participación activa do alumnado. O club converteuse nun espazo motivador de aprendizaxe e convivencia arredor da ciencia e da literatura.
7.- CHARLA EMAFESA
